El xefe de turnu de los mineros chilenos nel momentu del accidente, destacó que l’español Antonio Banderas, protagonista del filme, tien claro que se trata d’una película sobre la xunión y el trabayu n’equipu.

La película “Los 33”, sigue en tierres colombianes porque nun pudo facese íntegro en Chile. “Tamos equí en Colombia con muncha alegría, pero tamién con dalgo de pena, porque’l rodaxe nun pudo realizase completu en Chile”, dixo Luis Urza, el mineru númberu 33 en salir a la superficie dende’l refuxu a 700 metros de profundidá tres de 69 díes d’entierru.

Urzúa, el xefe de turnu de los mineros al momentu del accidente, tamién destacó que l’español Antonio Banderas, protagonista del filme, “tien claro qu’ésta nun ye una película sobre un mineru específicu, sinon sobre la xunión y el trabayu n’equipu”.

Juan Carlos Aguilar, tamién rescatáu’l 13 d’ochobre de 2010, destacó la semeyanza de la localización colombiana cola mina San José, en Copiapó, Chile, el xacimientu onde vivieron la so dramática experiencia.

La cinta, dirixida pola mexicana Patricia Riggen, entamó’l so rodaxe esti llunes pasáu en Colombia y a finales de xineru los equipos de filmación y actores van treslladar a Chile, onde se va filmar lo que se vivió fuera de la mina, na superficie. “Esto ye bien importante, porque va amosar lo que se vivió fuera de la mina, porque de nun ser por eses persones, nun taríamos rescataos”, concluyó Don Lucho, que fue’l líder de los 33 durante’l so encierru, ente’l 5 d’agostu y el 13 d’ochobre de 2010.