El coordinador d'IX, Manuel González Orviz, afirmó güei que la valoración de los datos de desemplegu con calter mensual, lamentablemente, quien nun tienen o perdieron el so trabayu, van camudando nun ceremonial nel que se valoren indicadores ensin afondar nel auténticu problema: “Equí hai una situación dramática, que ye la radiografía, lo que s'escuende detrás d'esos datos ye que, cada vez, la precariedá ye mayor”.

Esto traduzse, según el líder d'Izquierda Xunida, nun emplegu más precariu, con un 93% de contratos temporales frente a solo un 7% d'indefiníos. Les cobertories pa evitar la esclusión, tampoco salen meyor paraes. “Cada vegada les prestaciones mengüen. N'Asturies, de los 103.000 paraos solamente 56.000 tienen prestaciones, hai aprosimao más de 46.000 persones que nun reciben nengún tipu de prestación. Ési ye'l problema”

Asina, afirmó'l coordinador d'IX, el problema que subyaz tres los datos del paru ye un emplegu de peor calidá y unes prestaciones que cada vez son menores.