El gobiernu de Mariano Rajoy aprobó güei la continuación del procedimientu d’extradición a Arxentina de dos presuntos torturadores del franquismu reclamaos pola xueza María Servini n’Arxentina al traviés de la Interpol.

Trátase d’un primer pasu que pudiera finar cola comparecencia de Juan Antonio Pacheco, nomáu “Billy el Niño”, de 66 años, y Jesús Muñecas Aguilar, de 77. La maxistrada ordenara’l 18 de septiembre la so busca y captura xunto a la d’otros dos imputaos, de los que posteriormente se supiera que morrieran. La decisión fue calificada d’hestórica poles víctimes del franquismu.

La maxistrada arxentina investiga dende l’añu 2010 os crímenes de la dictadura de Francisco Franco, de la que n’Audiencia Nacional cerrárase la causa qu’abriera enantes el xuez Baltasar Garzón.

L’Audiencia Nacional opusiérase d’aquella a detener a González Pacheco y a Muñecas Aguilar, si bien decidió citalos a declarar una vez recibida dende Arxentina la pitición formal d’extradición. El gobiernu español informó güei de qu’esta aportó’l día 18 d’esti mesmu mes de payares.