Mieres-.El xueves 28 de payares, a partir del les 20:00h., sobre l’escenariu del Auditoriu Teodoro Cuesta de Mieres, va tener llugar la gala d’entrega de los VI Premios de la Crítica RPA 2013, grabación que va llevar al acabu’l programa Sones de TPA y que va retrsmitise a lo llargo del mes d’avientu.

Estos premios, difundíos pela radio y televisión públiques d’Asturies, pretender fomentar y difundir a música de producción asturiana. Una llarga llista de nuevos trabayos discográficos que, al traviés de 12 premios, alcuentren nestos medios una de les más grandes plataformes de difusión de la so obra.

Asina, nesta edición, los premiaos son:

1 A la Trayectoria: Ochote Langreano.

2 A l’Artista Revelación: María Llatores.

3 A la Meyor Voz del Añu: Jorge Tuya.

4 Al Meyor Videoclip del Añu: “Vínculos 2013”, de Jabuba Films, pa la Orquesta de Cámara de Siero.

5 Al Meyor Espectáculu del Añu: “Palabres”, Grupu Baille San Félix de Candás, idea orixinal de Xurde Fernández y musical de Marco García y Mapi Quintana

6 Al Meyor Compositor: Pipo Prendes, por “Un pasu más”.

7 Al Meyor Discu de Música Asturiana del Añu: A sus ojos, de la Banda de Gaites La Laguna del Torollu, composición de Yónathan Sánchez.

8 Al Meyor Discu de Música Asturiana: Asturies ye mio tierra, de José Antonio Cantu la Vara.

9 Al Meyor Discu de Folk del Añu: 10 años nel camín, de la Banda Gaites Camín de Fierro.

10 Al Meyor Discu del Añu: Brehinks, d’Iñaki Santianes.

11 Al Meyor Grupu del Añu: Orquesta de Cámara de Siero.

12 Lliteratura: Poesía norteamericana, na revista  Patos, dirixida por Antón García.

La gala va contar con actuaciones en directo de los premiaos, asina como la emisión de videos de delles de les sos actuaciones y propuestes musicales. Tou ello presentao por Sonia Fidalgo.