Ta acabante de salir a la venta l’esperadísmu nuevu trabayu del acordionista vascu Kepa Junkera, un trabayu musical col que’l músicu quier rendir homenaxe a Galicia y que lleva por nome “Galiza”.

Pa facelo va llevar al directu una banda de lluxu, un amiestu de músicos gallegos y vascos y ente los que se va poder tener a Xabier Díaz, a la voz y les percusiones, Pedro Lamas, a la gaita, saxos y percusiones, Cristina Pico, a les voces y percusiones tradicionales, José Luis Canal, al tecláu, Iñiho Olazábal, a la txalaparta, alboka y percusiones y el mesmu Kepa Junkera a la trikitixa y, en bien de momentos, a les percusiones tamién.

Los conciertos confirmaos que tien hasta esti momentu van llevalu –tres de la presentación en Casa das Crechas, de Santiago de Compostela, el 30 de payares al Auditoriu do Pazo da Cultura de Pontevedra (na que van tar presentes artistes invitaos como Budiño, Treixadura, Leilía, Uxía, Daniel do Pando y Davide Salvado), el 5 d’avienyu a Ripoll, dos díes depués a Les Borgues Blanques, el 20 d’avientu al Muséu Balenciaga de Getaria, el 24 de xineru a Irlanda, l’ultimu día d’esi mes a la Sala la Vaca de Ponferrada y el 1 de febreru al Teatru Principal de Santuago de Compostela.

Kepa Junkera, toa una referencia de la música d’acordión datónicu, vuelve a l’actualidá con esti trabayu nel que se funden y confunden la música del País Vascu y la de Galiciqa, que da títulu al discu.