La lliteratura inglesa perdió va 50 años a C.S. Lewis y Aldous Husley, dos grandes de les lletres que col universu máxicu de “Narnia” y la utopía de “Un mundu felíz” siguen cautivando a milenta llectores del mundu enteru.

les carreres lliteraries de dambos autores exploraron diferentes corrientes na Inglaterra d’enteguerres: l’autor de “Les cróniques de Narnia” fue representante de la lliteratura idealista, demientres Huxley consagróse con obres más experimentales y la sátira deshumanizada de “Un mundu feliz”.

Lewis yera devotu de la música de Wagner y fue conocíu polos sos universos imaxinarios y alegóricos, nos que resucita la tradición de los mitos celtes y escandinavos de la so Irlanda natal. Les sos obres traten temes como la llucha ente’l bien y el mal y la fe, l’amor a Dios y al próximu y la vida depués de la muerte, amás de cultivar la crítica lliteraria y l’ensayu. Pa Lewis, atéu na so mocedá, la fe cristiana fue fundaqmental, depu´ñes de conocer al so amigu J.R.R. Tolkien, autor de “El Señor de los Anillos”, na Universidá d’Oxford.

Huxley ye más que nada recordáu por una obra inquietante, “Un mundu feliz (1932), que narra l’universu deshumanizáu del futuru, pal que vaticinó que numberosos avances tecnolóxicos, dellos güei materializaos, diben sustituyir a los valores humanos. Novelista, ensayista y poeta, curiosu intelectual y viaxeru empederníu, firmó una producción con más de 50 títulos, ente poemes, crítiques y ensayos, y algamó la popularidá con “Contrapunto” (1928), considerada por dellos como la so obra maestra.

L’autor de “Les cróniques de Narnia” va contar dende mañana con una placa conmemorativa nel famosu requexu de los poetes de l’Abadía de Westminster, onde va ser recordáu xunto a autores como Jean Keats, William Blake o T.S. Elliot.