El próximu 29 de payares van cellebrar el conciertu del 25 aniversariu l’Ochote Llangreanu, una de les formaciones corales más reputaes del nuestru panorama musical y tamién una de les que cuenta con más ampliu palmarés. Recientemente sacaben al mercáu un CD, “Cantando…”, nel que repasaben les grandes pieces del so repertoriu.

Dirixíos dende siempre por Patricia Mirian Martínez, l’Ochote lleva cantao per bien d’escenario españoles y europeos, algamando nos escenarios asturianos una reputación que los lleva a collechar premios tan importantes como’l del Concursu y Muestra de Folclor Ciudá d’Uviéu, el de los Cantares de Chicgre del Bulevar de Gascona, el galardón Axuntábense de la Federación de Coros d’Asturies o el Premiu de la Crítica RPA 2013 a la so trayectoria.

La hestoria d’esti ochote entellázase dende l’empiezu del so andar cola de la so directora, Patricia Mirian Martínez, diplomada en Educación Musical y con amplia formación y práctica en dirección coral y orquestal. El programa SONES de TPA dedicó-y un programa nel añu 2012, nel que participaron un ampliu númberu de formaciones corales qu’ella dirixe.