Esta situación demuestra, según  Llamazares, que l'Alministración “nun ta dando la talla en relación cola gravedá del accidente”.

Según el diputáu, inda se desconocen les consecuencies reales pa la salú de los afectaos. “Falta la investigación del impactu sobre los trabayadores d'AZSA y tamos esperando esi informe per parte de l'alministración”.

Llamazares señaló qu'IX presentara una batería d'entrugues coles que pretende forzase la intervención del Gobiernu Central por qu'exerza les competencies que-y correspuenden. “Hai una actitú débil y una actitú fluexa, ante la empresa. Creemos que'l fechu de la intoxicación ye abondo grave por qu'hubiera una actitú más contundente”.

El parllamentariu amosó la so esmolición pol diagnósticu facultativu del Principáu yá que, nun casu d'esti tipu nun puede concluyise que exite una “posible intoxicación por mercuriu” yá que, dende la perspectiva médica, nesti casu, o esiste o nun esiste la intoxicación.

La gravedá d'esti tipu de sucesos queda de manifiestu con otros percances similares rexistraos nos últimos años en Bolivia, onde el trabayadores afectaos pola intoxicación, dos años dempués siguen enfermos o debuten dolencia rellacionaes cola mesma.

“Creemos que tien qu'haber un cambéu d'actitú radical per parte de la empresa asumiendo la so responsabilidá y per parte de les alministraciones exerciendo les sos competencies”.

Llamazares esplicó que, ayeri mesmu, tuviera con el trabayadores en fuelga de fame y que los contactos van caltenese.