El MUJA xúnese activamente a la Selmana de la Ciencia, una cellebración añal que se vien faciendo tolos meses de payares n’España. Esta Selmana de la Cienca y la Tecnoloxía ye la iniciativa más importante de divulgación científica en munches comunidaes autónomes. Dende 2001 ye organizada con calter nacional colos obxetivos d’averar la ciencia al públicu de toles edaes, estimular el gustu pol saber científicu ya incentivar la participación de los ciudadanos en cuestiones científiques mediante la realización d’actividaes de divulgación.

Nel MUJA, nesta ocasión, van cellebrase visites a los llaboratorios col equipi científicu, los talleres infantiles nomaos “los pictosaurios”, los monólogos de ciencia con The Big Van Theory y los talleres científicos pa neños, amás de les visites guiaes que se vienen faciendo d’avezu de miércoles a domingu.

El propósitu d’estpos talleres científicos pa neñños ye convertir al visitante en científicu per un día, experimentando coles posibilidaes que dal muséu y los sos trabayadores. Realícense asina cinco experimentos: ellaboración de xabón, participación na simulación d’un volcán, llanzamientu d’un cohete, introducción d’un güevu nuna botella, creación de “masa lloca” y participación n’experimentos como’l globu que sube y ácidu-base.

Esta programación de la Selmana de la Ciencia y la Tecnoloxía nagua por averar el muséu y les sos posibilidaes al públicu más mozu, convirtiendo a la familia en xunto nun grupu de científicos con posibilidaes de pasar un bon ratu informativu y entreteníu.