El presidente venezolanu Nicolás Maduro volvió culpar a la oposición d’infiltrar a persones pa que xeneren desórdenes nos comercios fiscalizaos y llamó a la xente a garrar a los que vean practicando saqueos.

“Yo llamo al pueblu a la paz y a nun caer en provocaciones y si usté viera a un parásitu amariellu tratando de romper una vidriera, gárrelu y entréguelu a les autoridaes”, dixo durante la so participación na marcha de tresportistes que se desarrolló güei en Caracas.

El mandatariu tamién pidió a la población que comprenda’l plan económicu que ta desarrollando: “Pídovos comprensión al máximu. Vamos dir per partes saneando la economía, el sabotaxe económinu. Nun tienen razón económica pa los precios”.

Maduro señaló que güei aniciara la inspección a los concesionarios de vehíuclos ya instó a que baxaran los precios. Prometió a los motorizaos y tresportistes en xeneral que diba baxar los precios de los repuestos pa coches y motos. “Nun faigas más nada hasta les próximes 72 hores, hasta nun regularizar los precios de los recambios”, díxo-y al ministru de Tresporte Terrestre, Haiman el Troudi.

Maduro explicó que se creó’l Fondu Nacional de Compensación a los comerciantes pequeños, y que los mayoristes que vendan a precios descomanaos van tener que devolver el dineru que cobraron de más.