La república federada rusa d’Ingushetia, de mayoría musulmana, tien declarada la guerra a la tradición del raptu de la novia, una práctica que va castigase con multes d’hasta 200 mil rublos (unos 4.600 euros), según decidiera’l conseyu musulmán de la probe rexón caucásica.

El secuestru de muyeres moces ye inaceptable y va escontra’l Corán. “Homes mozos cometen un gran pecáu ante dios, la sociedá y el pueblu al secuestrar a una moza”, dixo’l muftí Issa-Hayi Jamjoyev esti mesmu fin de selmana.

D’ehí que la multa va subise de los 10 mil euros d’anguañu a los 200 mil rublos, y con 100 mil más a los cómplices qu’axuden a realizar esta práctica tan extendida pel país. El llíder de la república Yunus-Bek Yevkurov criticóla como un gran problema que tien de ser extermináu.

Tamién los nomaos “crímenes d’honor” son frecuentes na zona norte del Cáucasu dominada por estructures de clanes. Na rexón combaten amás terroristes islamistes escontra unidaes fideles al Kremlin por un emiratu idependiente de Moscú.