La diputada d'IX, Marta Pulgar, recibió esta mañana nel parlamentu asturianu a un grupu de cuatro muyeres que van participar esta fin de selmana nel alcuentru de sensibilización Sur-Norte que se va celebrar en Xixón, sol títulu “Muyeres en Rebeldía : descolonizadoras del pensamientu”.

Tres la xunta con Francisca Rodríguez, Relaciones Internacionales de Anamuri-Chile, Kelly Mafor, miembru de la Dirección Nacional del MST del Brasil pol Sector de Xéneru, Deyanira Soscué, lideresa Indíxena Nasa-Cauca, Colombia, y Suna Altun, del grupu actualidá Curda, la diputada asturiana aseguró qu'esti alcuentru, que sirvió como reconocencia personal y de reconocencia institucional a estes muyeres que la so papel ye fundamental nel desenvolvimientu de les diverses polítiques de llucha polos derechos humanos y los derechos sociales de los pueblos.

Marta Pulgar escuchó, de primera mano, la visión del papel fundamental qu'exercen les muyeres n'organizaciones como Vía llabradora en Llatinoamérica, como principales actores del motor del cambéu nel campu, según nel MST de Brasil, según el trabayu que vienen desenvolviendo pola llucha pola paridá nes sos organizaciones y la superación de les distintes formes de violencia contra les muyeres, especialmente dura la violencia física nel mundu rural y nes guerres.

“Foi novedosu conocer el papel que xueguen les muyeres Curdes na llucha pola autodeterminación del so pueblu y la realidá que representen n'oriente próximu como un exemplu de trabayu pola igualdá, al igual que'l papel que xueguen na defensa de los derechos de los pueblos indíxenes en Colombia na defensa de la Tierra contra la espoliación de les multinacionales”, esplicó la diputada al términu del alcuentru.

“La xunta demuestra fundamentalmente que les reivindicaciones de les muyeres son, con matices, bien similares en cualquier llatitú del mundu: la llucha contra la violencia, la necesidá de formar parte de los foros de toma de decisiones...pero sobremanera'l papel fundamental que xugamos como actores de los cambeos sociales nesti mundu globalizáu y de les principales lluches del mundu pola defensa de los derechos humanos -soberania alimentaria, derechos sociopolíticos-, esplicó la diputada. Pulgar tamién aseguró que “somos mas del 50% de la población mundial y nun se nos puede resalvar”, dixo de la que les convidó a siguir na llucha.