El Centru d’Arte Rupestre Tito Bustillo súmase a la cellebración de la Selmana de la Cienca con una propuesta a base d’experiencies didáctiques inspiraes nel lema propuestu poles Naciones Xuníes pal 2013: L’Agua.

Los talleres H2O: Agua y Prehestoria pretenden dar un repasu al papel del agua na prehestoria: cambios climáticos y consecuencies d’estos sobre les primeres poblaciones Sapiens, l’agua y el so fundamental papel nel modelu kársticu, les fontes del agua potable como factor pal asentamientu humanu, usos curiosos del agua nel Paleolíticu y el papel del agua nel Arte Papleolíticu (agua como aglutinante de les pintures y como factor de contaminanción y conservación d’esti).

L’agua ta presente en cásique tolos nuestros ámbitos y asina lo ye dende l’empiezu del nuestru andar. Durante la Selmana de la Cienca 2013, que va tener llugar del 6 al 17 de payares, el Centru d’Arte Rupestre Tito Bustillo va averar a toles persones que deseen participar nes nuestres actividaes la “indisolubre” hestoria común del ser humanu y l’agua durante la prehestoria.

El preciu de la entrada va ser de 1,50€ y la entrada, pal públicu individual, adultos y neños, va ser los fines de selmana del 6 al 17 de payares de les 12:00 a les 17:00 hores y, palos grupos, fadráse nes mesmes feches baxo reserva.