La fueya oficial d’aparcamientu delantre de la Casa de Cultura incluye términos tan difíciles d’entender como “conceyu”, “aparcamientu”, “estacionamientu” o “payares” y la Policía Local multa a los coches aparcaos con ella porque diz nun entender esos términos al nun tar en castellanu.

La base d’esti conflictu, según fontes del Ayuntamientu, radica en que dende va escases feches faise patrullar peles cais de la villa a dellos policíes que, hasta agora, cumplíen funciones alminsitratives. La fueya oficial d’aparcamientu, absolutamente comprensible, lleva l’escudu del Conceyu de Mieres, con esta indicación debaxo, titúlase “Autorización Aparcamientu” y va firmada, col día de la fecha, pol propiu director de la instalación municipal, al tratase d’una autorización exclusiva pa los conferenciantes, músicos o actores qu’intervienen nos sos actos.

Esta fueya d’autorización d’aparcamientu vien utilizándose dende va 7 años, de la que s’habilitó una zona exclusiva d’estacionamientu restrinxíu delantre de la Casa de Cultura, pero fue a partir del martes 5 de payares que les multes empezaron a facese efectives por esti conceptu. El primer coche multáu correspondía a ún de los conferenciantes qu’inauguraba les X Xornaes Solidaries.