Hubo de too na primer entrega de los Premios Musicales You Tube: neños llorando, un doble suicidiu simuláu, pintura nel rostru, una Lady Gaga llibre de maquillaxe y la gorra d’un camioneru. Too fue conforme a lo imaxinao por Spike Jonze na ceremonia conducida pola peculiar pareya formada por Jason Schwartzman y Reggie Watts.

Eminem ganó’l galardón a Artista del Añu, demientres que Taylor Swift y Macklermore & Ryan Lewis tamién tuvieron ente los ganadores durante la ceremonia tresmitida en vico per internet dende Nueva York. Eminem interpretó una versión de la so nueva xira “Rap God”, filmada en blancu y negru. “I Knew you Were Trouble”, de Swift ganó’l Premiu Fenómenu de You Tube, demientes Macklermore & Ryan Lewis ganaron el Premiu Descubrimientu You Tube.

L’actriz Gina Gerwig entamó la ceremonia como protagonista d’un videu en vicu de “Afterlife”, d’Arcade Fire, dirixíu por Jonze. Jason Schwartzman y Reggie Watts almitieron que taben conduciendo la ceremonia de 90 minutos ensin guión, namás que con delles notes. Asina, los premios fueron entregándose ente pauses embarazoses y dificultaes técniques breves. “D’eso se trata, que puea ocurrir cualaquier cosa”, dixo Schwartzman y dafecho ocurrió.

Win Butler, líder d’Arcade Fire, subió al escenariu pa tomar fotografíes col so iPhone. Los conductores del espectáculu corrieron ente la multitú en delles ocasiones, esgatiaron per una escalera, participaron nel pintáu de rostros, interpretaron non una sinon dos canciones improvisaes y, nel momentu más extrañu de la ceremonia, cargaron bebés ente l’audiencia y trataron d’entrevistar a Macklermore & Ryan Lewis, demientres los pequeños lloraben.