Mieres.-El xoven mierense Samuel Isaac Ruibal Rosón resultó ganador del II Premiu de Lliteratura Experimental 2013, convocáu pola Asociación Cultural Sporting Club Russafa de la Comunitat Valènciana.
Intervinieron como xuraos Francesc González i Molinero, Rafael Brines i Flames y Manuel Costa i Adrian. Reuníu’l xuráu declararon ganadora del II Premiu de Lliteratura Experimental la obra titulada Los talones del mortal. Una vez abierta la plica correspondiente, resultó ganador Samuel Isaac Ruibal Rosón.
El xuráu destaca la gran calidá lliteraria y artística de les obres presentaes y desea facer una mención especial a otros cuatro finalistes, d’un total de dalgo más de 50 obres presentaes:
De fil de vint-perfomances poètiques, de Josep Pérez i Tomàs
Loqueando pensando, de Mauricio Álvarez Gómez
¿Estás contenta con tu rocambole, amor mío inaccesible?, d’Agustín Arosteguy
El púgil sin sombra, d’Óscar Sotillos
El llibru ganador va presentase a los medios de comunicación en València esti vienres 8 de payares, contando cola presencia del autor.
El pasáu añu, esti autor mierense, alumnu del Institutu d’El Batán de Mieres del Camín, resultó ganador del XIII Premio de Poesía “Alberto Vega”, convocáu por el Centru Cultural y Recreativu Belarmina García, de La Nava (Llangréu), ente más de trescientos trabayos de distintos colexos ya institutos de los valles mineros.
