El xixonés Jorge Moreno upóse col IV Premiu de Textos Teatrales Jesús Domínguez cola so obra “Garrulos”, presentada a esti certamen que convoca la Diputación de Huelva y que ta dotáu con 5 mil euros.

La diputada de Cultura, Elena Tobar, dio a conocer esti xueves el fallu y llamó en directo al galardonáu pa comunica-y la grata noticia, qu’acoyó con sorpresa y emoción, agradeciendo tanto a la Diputación de Huelva como a los tres componentes del xuráu que fueron los que determinaron la selección final de la so obra como ganadora d’esta IV edición. Nesta edición, el xuráu tuvo compuestu por Itziar Pascual, dramaturga y profesora de la Escuela d’Arte Dramática de Madrid, Fernando Almena, autor teatral, que vien como representante de l’Asociación d’Autores de Teatru, y pol director y autor Pedro Álvarez-Osorio, qu’acompañó a la diputada y que foi l’encargáu de lleer l’acta.

A esti certamen concurrieron un total de 108 obres, siguiendo la llinia de participación de los tres últimos años. La procedencia de los textos teatrales presentaos fue mui dispar, aportando obres de países como España, Israel, Chile, Arxentina, Francia, Países Baxos y México, siendo’l 7% de los textos de procedencia forana.