La Guardia Civil llanza una alvertencia alredor de les sigles 2CI, una sustancia que tamién tien los nomatos de “droga del pánicu”, “drogra del baille” o “clubbing”, nomes recibíos polos sos efectos y tamién pola so abondancia en clubes y nes fiestes “raves” del norte d’Europa. La so presencia primera na península detectóse na Comunitat Valenciana.

L’alerta de los investigadores de la Benemérita y de la Policía Nacional prodúxose tres del arrestu n’Albánchez (Almería) d’un xoven de 24 años como presuntu traficante d’esta sustancia. Esti camellu portaba tres pastilles d’esta droga, químicamente conocida como fenetilamina psicodélica. La so peligrodsidá radica de mano nel so camuflaxe, yá que se vende como éxtasis cuando en realidá ye un potente alucinóxenu. L’informe de la Guardia Civil alvierte que pue llegar a causar trances psicodélicos mui fondos.

La proliferación de nueves drogues sintétiques, bien d’elles “coninaes” na intimidá y secretismu d’un llar particular, ensin rastru de precauciones sanitaries y con una escasa inversión económica, ye dalgo que causa preocupación a nivel européu. Según les Naciones Xuníes, l’aumentu d’estupefacientes de nueva xeneración tien un ritmu que supera’l d’innovaciones d armamentístiques de les Fuerces de Seguridá.

En 2009 catalogáronse nel planeta 166 tipos de nuevos estupefacientes. L’añu pasáu, la estadística de la oficina europea falaba de 251 tipos, un incrementu del 50% en malapenes tres años. El 2CI, con too, nun ye la única drogra sobre la qu’alerta l’Informe Mundial sobre les Drogues 2013.