En 1955, Fidel Castro, ex presidente de Cuba y líder de la revolución, declaraba al entrar en Méxsico que yera católicu, inscribióse como turista y dixo a les autoridaes que’l motivu del viaxe yera aselar. Como señes particulares, les autoridaes del país anotaron que Luis Buñuel yera pintu la rama y que Remedios Varo diba agospiase nel Hotel Londres de la Plaza Buenavista de la capital mexicana.
Esti rexistru señala tamién que’l revolucionariu León Trotsky señaló que Diego Rivera podía dar bones referencies d’él. Nun se trata de versiones rescataes de supervivientes del tiempu, sinon que cada ún de los datos ta nun documentu oficial, yá amarielludu pero bien conserváu como pa ser quién a lleer escrito a mano o a máquina l’estáu civil, l’altor, el color de los güeytos, la profesión, les señes, el motivu de visitar o vivir en México y la fecha de cuándo lo ficieron.
Tampoco se trata de documentos de la intelixencia mexicana sinon rexistros d’ingresos de foranos que formen parte del Institutu Nacional de Migración, dependiemnte de la Secretaría de Gobernación, y que n’ocasión del so aniversariu exhibe dende’l pasáu 16 d’ochobre na sala d’exposiciones de les sos instalaciones nel DF.
Nesti espaciu allúguense documentos que daten dende 1929, como lo ye un telegrama dirixíu al secretariu de Gobernación y firmáu pol presidente Emilio Portes Gil nel que se pide a la oficina de migración nel Suchiate, en Chiapas, “permitir dende llueu’l pasu a territoriu nacional del xeneral nicaragüense César Augusto Sandino y los ayudantes que lu acompañen, proporcionándo-yos toa clase de facilidaes pa que continúen el viaxe hasta’l puertu de Veracruz”.
Asina aparez, tamién, l’arrivada al país del comerciante de llibros asturianu José Porrúa Estrada, qu’aportó dende Mier a México y entró pel puertu de Veracruz. Dixo practicar la relixón romanista y tener de llugar de residencia l’esquinal d’Arxentina y Justo Sierra.
Un rexistru amplu nel que se puen afayar datos del pasu pel país de Federico García Lorca, Gabriel García Márquez, Elena Poniatowska, Dámaso Pérez Prado, Frak Sinatra, Marion Robert Morrison Brown (más conocíu como John Wayne) o Pablo Neruda. Hasta un total de 2 millones de fiches d’ingresos de foranos nel país.
