Va unos díes en Belfast, n’Irlanda del Norte, como parte del Festival de Belfast, WISH ye l’últimu proxectu d’arte públicu realizái pol artista cubanu-americanu Jorge Rodríguez-Gerada, conocíu polos sos retratos a escala monumental n’espacios públicos, colo que lleva al paisaxismu a un nivel dafechamente nuevu col so descomanáu arte del retratu. La imaxen representada ye la d’una neña anónima de Belfast y ye tan grande que namás pue vese dende los puntos más altos de Belfast o dende un avión.

Con varios años d’ellaboración, WISH presentóse pela primer vez nuna cuadrícula utilizando la tecnoloxía Topcon GPS y  30 mil estaques de madera colocaes manualmente nel Barriu Titanic de Belfast. El retratu fue entós dibuxáu cola aidanza de los voluntarios qu’echaron una mano pa treslladar alredor de 8 millones de llibres de materiales naturales como tierra, arena y roca nun periodu de cuatro selmanes.

La instalación pue experimentase de dos maneres. En primer llugar mediante una vista aerea de la pieza dende la parte superior de los edifios de los alredores y, la segunda, al caminar sobre’l suelu al traviés de les fileres de los materiales naturales.

El proxectu fue posible gracies a varies empreses llocales, sobre too McLaughlin y Harvey, PT McWilliams, Tobermore y Lagan, que xenerosamente donaron materiales, ferramientes, maquinaria, personal y demás elementos. WISH va poder vese hasta avientu y los rewsidentes de Belfast ya-y dieron el nomatu del Rostru del Cielu.