La serie d’animación más vieya de la televisión va estrenar un capítulu especial del Mundial de Fútbol de Brasil en 2014, según informó esta mesma selmana nuna nota de prensa Foz International Chanel. Los Simpson van cellebrar asina’l so 25 aniversariu, en 2014, con un episodiu especial dedicáu a esti eventu deportivu y que va tar acompañáu d’una campaña de marketing centrada nesi deporte.

L’episodiu va tiutulase “Nun tienes que vivir como un árbitru” (You don’t have to live like a referee) y va amosar a Homer Simpson ficháu como árbitru del mundial de Brsil, onde va tener que prebar la so honestidá ante les ufiertes d’ún de los más avezaos gángsters de los sobornos nel fútbol. Esta tresformación de Homer n’árbitru vien por mor de los eloxos de Lisa sobre la charra qu’él diera nel campu xuegu de Springfield. Sicasí, non too va ser felicidá pa los Simpson yá que Homer, que va viaxar a Brasil, va ver puesta en seriu peligru la so honestidá.

Por mor d’esta efeméride, la productora de la serie televisiva va llanzar una llarga variante de productos relacionaos con equipos de fútbol del mundu enteru, ente ellos el FC Barcelona, el Zenit de San Petersburgo, el Corinthians de Sâo Paulo o el Boca Juniors de Buenos Aires, a los que van xunise otros clubes internacionales aína.