La reina Isabel II apareció pela primer vez en público colos tres futuros reis d’Inglaterra, el so fíu Carlos, el ñetu Guillermo y el bisñetu Xurde, nel bautizu d’esti últimu, de tres meses de tiempu. Poco enantes de qu’entamara la ceremocia na cpilla real del palaciu de St. James, que se cellebra na más estricta intimidá, los cuatro fueron retrataos poles cámares de televisión y fotógrafos, sonrientes nel casu de los adultos demientres el pequeññu s’amosaba bien seriu.

Acompañáu pola muyer d’él, Catalina, el príncipe Guillermo llevaba en brazos al fíu, terceru na llinia de sucesión a la Corona británica y ataviáu con una reproducción del faldón d’encaxe y satén que portó la fía mayor de la reina Victoria, la princesa real Víctoria, cuando fue bautizada en 1841. Ye la primer vez que’l críu pudo ser fotografíáu en público dende que saliera del hospital nel que nació’l pasáu 22 de xunetu en Londres.

Al bautizu, qu’oficia l’arzobispu de Canterbury, asisten 22 invitaos elexíos polos duques de Cambridge, ente ellos los siete padrinos, toos ellos amigos personales de la xoven pareya amás de Zara Phillips, prima de Guillermo y ñeta tamién d’Isabel II.

La soberana, de 87 años, escoyó pa la ocasión un traxe con pamela a xuegu color azul demientres la so xenra Camilla, muyer de Carlos, diba de blanco y la madre del críu optaba pol color béis, nos dos casos con tocaos. A la ceremonia asisten amás del duque d’Edimburgu, de 92 años, esposu de la reina, y el príncipe Enrique, el segundu fíu de Carlos d’Inglaterra y la fallecida Diana de Gales.