Dos o tres persones, un teléfonu móvil y una víctima ye lo indispensable nun secuestru virtual, un delitu que nos últimos tiempos va n’aumentu en México y amenaza con expandise n’América Llatina. El secuestri virtual ye una forma d’obtener dineru rápidu y que, incluso, se pue perpetrar dende la cárcel, yá que consiste n’aisllar mediante amenaces por teléfonu y desixir el pagu d’una cantidá de dineru.

Namás en México, l’añu pasáu, produxéronse más de cien mil secuestros de tou tipu, pero namás 1.317 denuncies llegaron a les fiscalíes, según datos oficiales. Los secuestradores suelen pidir 60 mil euros la pa lliberación de les sos víctimes. Nun se trata d’una cantidá mui elevada. Lo que quieren los secuestradores ye dineru rápidu porque nun tienen controlada al cientu per cientu la situación.

Enxamás hai contactu físicu ente secuestráu y secuestradores, pero ye tala la presión telefónica a la que se somete a la víctima, a la qu’amenacen de muerte, quésta convéncese de que sufre un secuestru real. En bien d’ocasiones, los secuestradores son presos de les cárceles de México que se faen pasar por miembros de la Policía o de bandes delictives como’l cártel de los Zetas, el primeru qu’entamó esti tipu de secuestru.

Un empresariu español y el grupu musical Delorean son dellos de los últimos casos conocíos de víctimes de secuestros virtuales en México. Bien d’otros casos nun salen a la lluz. Nun pagar el rescate ye una de les recomendaciones pa evitar ser víctima d’esti delitu.