Joaquín Sabina empezó col pie torcíu la so nueva xira mexicana, presenta’l discu “Canciones para una crisis”, depués de vese obligáu a abandonar esti xueves l’escenariu al poco d’entamar la so actuación nel centru cultural de Tijuana. Como se dicía enantes: dio-y un aquel.

El disgnósticu, al final, que dó nuna contractura muscular. De mano, Sabina cuidó que se trataba d’un paru cardíacu, polo qu’abandonó l’escenariu pol so propiu pie pero enforma esmolecíu.

Al principiu, los médicos trataron d’estabilizalu detrás del escenariu, pero a los pocos minutos optaron por llevalu al hospital pa que lu revisara un especialista cardiólogo y neurólogo. El guitarrista Pancho Varona, escuderu fidel de Sabina dende 1982, fue l’encargáu de dar la fatal noticia al públicu de Tijuana. Poco depués publicaba nel so Twiter el siguiente mensaxe: “Josquín nun ta internáu. Fue al hospital y ficién-y unes prebes. Pero ta bien, fue un sustu. ¡Gracies a toos pol cariñu!”

Pa les próximes hores espérase l’aclaración de si va haber nueva fecha en Tijuana o los asistentes ven tener de conformar con recuperar el dineru de los sos billetes. Per agora’l restu de feches de la xira cantiénense, con Sabina otra vuelta más riba l’escenariu pal segundu de los conciertos programaos en Tijuana.