Decenes de funcionarios presentáronse esti xueves delantre del Ministeriu de Finances n’Atenes con goxes enllenes d’aceite d’oliva y tomates que teníen previsto entregar al titular de la cartera, Yanis Stoumaras, nuna coñona respuesta a unes declaraciones nes qu’indicaba que la so familia padecía los efectos de la crisis como otros tantos griegos.

“Espeamos que Stoumaras nun nos pida un recibí”, declaró’l Sindicatu de Trabayadores nun comunicáu emitíu durante la manifestación, que respuende a les declaraciones realizaes pol ministru la pasada selmana, nes qu’aseguraba conocer “lo que ye vivir con 500€ al mes”. “Sélo enforma bien, mio madre sábelo, los mios suegros sábenlo”, manfestó a lo llargo d’una comparecencia na que respondió a les preguntes de l’audiencia.

Como contestación, los manifestantes marcharon pela plaza ateniense Sintagma acompañando les sos cestes con fotomontaxes realizaos a partir d’imáxenes de Stoumaras y medigos, al glayíu de “¡Faigámoslo pola madre d’él, maldita seya!”