Un grupu d’investigadores de la Universidá de Filipines estudió cásique 230 millones de tuits publicaos ente 2009 y 2002 y descubrió que, col pasu de los años, van reduciendo’l so tamañu. Demientre’l que’l tuit medianu de va 4 años contenía 8 palabres, a lo cabero de 2012 estes reduxéronse a namás 5. Los investigadores apunten que podría debese al aumentu del empléu de la xerigonza, asina como de les frases feches y les llingües minoritaries, como signu identificativu.

“Les conversaciones reflexen les normes existentes nuna llingua”, aseguren los investigadores. Pa determinar estes conclusiones los científicos Christian M. Alis y May T. Lim descargaron más de 200 millones de tuits y analizaron el llargor de los mesmos nuna escala temporal. Afayaron asina que la distribución del tamañu de los tuits tenía dos “picos”. Una gran cantidá de tuits d’excatamente 140 caracteres, que ye’l númberu máximu que pue contener cada ún de los mensaxes que s’unvien al traviés de Twiter y, otru, variable, que ye’l que vino decreciendo col tiempu.

Esti fenómenu del decrecimientu dio en conxuntu, non solo pa los que yeren n’inglés. L’estudiu tamién analizó tuits xeorreferenciaos, emitíos nos más estremaos países, descubriendo qu’esti descensu nel conteníu de los tuits ye más acusáu nunes zones que n’otres.