Santiago de Chile.- Cientos de persones marcharon esrti sábadu pasáu peles casi de Santiago a favor de la reivinciación de los derechos ancentrales de los pueblos orixinarios de Chile, frente a la conmemoración oficial del Día de la Raza. Según publicó’l mediu Radio Bío Bíos, ente los manifestantes alcontrábase la presidenta de l’Agrupación de Derechos Humanos, Viviana Díaz, quien fizo un llamamientu a los candidatos presidenciales a crear una llei qu’indulte a los presos mapuche.

Unes 700 persones adhiriéronse a la marcha, según estimó la policía. “Nun queremos dexar pasar esti día ensin dicí-y al Estáu que nun siga coles represiones, porque nosotros los mapuches vamos siguir recuperando los territorios que nos pertenecen”, dizo un asistente a la marcha al canal de televisión nacional TVN. Otru manifestante tamién expresó: “Nosotros nun tenemos nada que cellebrar; nosotros tamos equí pa demostrar el nuestru descontentu colo que ta pasando col pueblu mapuche, más que nada na comuna d’Ercilla, nel sur de Chile”.

Dambes declaraciones dexaron de manifiesto otru de los motivos de la movilización: amosar apoyu a los comuneros mapuche que s’alcuentren deteníos en diverses cárceles del sur de Chile y desixir un altu a la llei antiterrorista. La marcha, autorizada poles autoridaes, desarrollóse en completa normalidá, con un ampliu despliegue de fuerces policiales.