Londres.- Paul McCartney yá tien 71 años. L’ex Beatle llogró como músicu fama mundial, premios, reconocimientos ya incluso fue nomáu caballeru pola reina Isabel II. Agora, nel so nuevu trabayu, seis años depués del últimu que publicara con temes propios, torna al so grupu orixinariu, The Beatles.

Esti llunes va ser el llanzamientu mundial d’esti nuevu trabayu integráu por 12 canciones, el decimosextu álbum d’estudiu como solista. La canción que lleva’l títulu del discu, “News”, recuerda a vieyos éxitos de The Beatles como “Penny Lane” o “With a Little Help from my Friends”, pero a diferencia de les demás, que se centren nel pasáu, xira en torno al equí y agora. “Ye un allegre cantar pal branu”, explica’l propiu McCartney.

El resto de los temes ta dedicáu al pasáu. “Uso enforma’l pasáu pa les mios canciones”, asgura’l músicu. “Pero cuido que nun soi l’únicu”. Como ocurre en “Early Days”. La balada, producida por Ethan Johns, expresa enforma melanconía. El textu evoca l’empiezu de The Beatles. McCartney describe como percorría les casi xunto a John Lennon vistíos de negro, coles guitarres al llombu. “La canción ye pa recordanos a John y a mi. La canción diz: eso nun me lo pue quitar naide”, relata. “Trailu un poco a él de vuelta”.

El llanzamientu del discu de McCartney ta minuciosamente organizáu y planificáu. El cantante promovió’l nuevu trabayu nuna cadena de cafeteríes y dio un conciertu espontaneu nuna escuela d’artes en Nueva York, una forma mui poco convencional. La grabación del discu fue en seis estudios diferentes en Los Ánxeles, Nueva York y Londres, ente ellos el famosu Abbey Road de la época de The Beatles.