Esti vienres que vien, 18 d’chobre, entama la Fiesta de la Serondaya nel pueblu de Cenera, nel Valle de Cuna, conceyu de Mieres. Una fiesta que refier al tiempu de la recoyida de los frutos de la seronda, la serondaya, y que nesta ocasión homenaxea’l llabor de la muyer nel ámbitu rural.

Asina, el mesmu vienres 18, homenaxéase a Quta Gutiérrez Tuñón, reputada cocinera del Valle. La pregonera de les fiestes va ser la presentadora del programa Sones de Tpa, Sonia Fidalgo, natural de Turón, y contará cola presencia del Javier Fernández, presidente del Principáu d’Asturies. Arriendes de les actuaciones de los grupos de baille de La Flor de Xanzanina, de L.lena, Los Pequenos del Grupu Baille Ruxidera, pareyes de baille de L’Artusu, del Práu Llerón de Mieres, gaiteres de la Banda Gaites Villa de Mieres y les cantadores de tonada Anabel Santiago, Liliana Castañón y Noemí Torrado. El fin de fiesta d’esti día, como notres ediciones de la Serondaya, va tar amenizáu pol acordionista Javier Valdés.

La Serondaya continuará el sábadd con un amagüestu y una esfueya de maíz, coles actuaciones de Cadillac 66 y Truequedart, pa concluyir el domingu cola tradicional fiesta de los socios y xinta de xermandía d’una fabada.