Nel presente cambiu de sieglu y de mileniu, del XX al XXI, inda pue ser a sorprendenos l’impresionante éxitu d’un gaiteru como José Ángel Hevia. Alredor de dos millones de discos vendíos de la so “Tierra de nadie” y la confirmación de la so popularidá col siguiente, “Al otru llau”. Xires per Xapón, América Llatina, Europa… y númberos únnel Top Ten de países tan dispares como Hungría, Italia o España.

Un cientu d’años enantes, otru gaiteru y a la vez cantador de tonada, Ramón García Tuero, el Gaiteru Lliberdón, collechaba éxitos per América entero, dende los Estaos Xuníos hasta los países del conu sur, y les principales capitales europees, como París, Llondres y Berlín. Malapenes venti años depués del nacimientu del discu, y cuando tovía les dificualtaes d’una grabación y el descomanáu coste económicu de producilu veden esti productu a les voces más prestixoses de la llírica y de la música clásica, el Gaiteru Llibardón firma un contratu en Milán (Italia) pol que se compromete a grabar cuarenta canciones nos diez años siguientes. Cobró por ello 3000 francos franceses de 1911.

Ramón García Tuero ye’l más grande representante d’una tradición de gaiteros/cantadores de la que nun esiste información malapenes nel sieglu XIX, pero que continuó a lo llargo del XX, anque dafecho relegada a ámbitos rurales. Los gaiteros tienen una hestoria propia dientro de la música asturiana que tovía ta por escribir. Ún d’estos músicos tradicionales, de gran sonadía nel sieglu XIX, fue Manuel Suárez Álvarez, el Gaiteru Santa Clara, natural de La Manxoya (Uviéu). Y mesmo hasta los nuestros díes llegó’l bon facer de Clemente Díaz, el Gaiteru d’Ibias, qu’inda sigue interpretando un bayurosu repertoriu integráu por fandangos, saltones, bail.les del país, muñeires, jotes, pasudobles y canciones mexicanes.

Los gaiteros/cantadores, como fuera’l casu del Gaiteru Lliberdón, reellaboren el folclor tradicional, creen nueves melodíes sobre les vieyes estructures rítmiques ya incorporen al so repertoriu los ritmos demoda. Los años del pasáu cambiu de sieglu, del XIX al XX, son los años del pasudoble, la polca, el valse y el cuplé. “Villaviciosa hermosa” ye’l gran hit de los pasudobles de finales de sieglu. Yá aparez una versión nel cancioneru de Rufino G. Nuevo y Miranda, de 1887. Les polques y los valses van convertise nes primeres pieces de baille “a lo agarrao”. La influencia de les lletres de los cuplés y de los sos estribillos pegadizos va dexase sentir en tola llírica popular y bien especialmente na tonada asturiana. Hasta esi momentu la tonada nun contaba con coda nin estribillu y por mor de les necesidaes de la industria discográfica (tenía d’ampliase la duración delos cantares) y pola imposición de la moda del momentu, fue amestándose a les cuartetes detonada hasta convertise en parte fundamental d’elles.

Nel añu 1889 la firma comercial Sidra El Gaitero, de la Sociedad Valle, Ballina y Fernández de Villaviciosa, contrata al Gaiteru Lliberdón como imaxen del so productu más significativu: la sidra xampanao. Cuanta con venticinco años. El so contratu inclúi la so presencia representando a la firma na Exposición Mundial deParís. Trátase del gran escaparate tecnolóxicu y cultural del cambiu de sieglu. Les actuacionesdel gaiteru asturianu sorprenden pol so virtuosismu. A partir d’esti momentu’l so nome anicia sonar a nivel internacional. La imaxen del gaiteru va ser, tamíen, una de les imaxenes d’Asturies nel imaxinariu collectivu.

Al añu siguiente casa con María Caravera, natural de Lliberdón (Colunga), onde asitien. D’entós n’alantre amesta al so nome’l conocíu alcuñu del Gaiteru Lliberdón (él en verdá yera orixinariu de Villaviciosa, de la collación d’Arroes –recuérdame siempre Javier d’Arroes, reivindicando pal so pueblu la patria del que fuera consideráu’lmás grande delos gaiteros asturianos-). Inda güei pue visitase la que fuera la so casa y na que sigue la so familia calteniendo bona parte de la so memoria, instrumentos y vestuariu.