Nel marcu del 164 aniversariu de la muerte del escritor Edgar Allan Poe va recordáselu con una exposición titulada “Edgar Allan Poe: Terror of the Soul”, quaxunta 100 pieces, ente illustraciones, fotos, escultures, manuscritos y obxetos diversos´, va amosase dende esti fin de selmana na biblioteca-muséu Morgan de Nueva York, onde va tar hasta xineru de 2014. L’amuesa inclúi manuscritos de poemes como “Annabel Lee” y “El cuervu”, excepcionales primeres ediciones y l’orixinal d’un ensayu que ye la primer vez que pue vese expuestu.

Edgar Allan Poe naciera’l 19 de xineru de 1809 y fue un escritor estadounidense que dexó un llegáu almiráu nel mundu enteru. Julio Cortazar, gran almirador del escritor, traduxo la prosa completa de Poe pa la Universidá de Puerto Rico, en 1953. Según los expertos, la traducción de Cortázar ye una de les meyores que se ficieran enxamás de la obra de Poe.

El cuentista, poeta y críticu estudió na Universidá de Virxinia y güei ta consideráu un maestru del relatu curtiu. Los padres morrieron siendo él bien mozu y fue adoptáu por una familia francesa, un matrimoniu acaudaláu del que depués tomó l’apellíu. Depués d’abandonar el puestu d’empleáu que-y asignara’l padre adoptivu, publicó en Boston el so primer llibru, “Tamerlán y otros poemes” (1827), ún de los llibros más raros de la lliteratura estadounidense.

Pa 1832, Poe publicó’l so tercer llibru conocíu como “Poemes” y dos años depués contraxo matrimoniu cola so prima Virginia Clenn, de namás 13 años. El 29 de xineru de 1845 apareció  nel periódicu Evening Mirror de Nueva York el so célebre poema “El cuervu”, convirtiéndose aína nel primer éxitu popular de la so carrera.

El 3 d’ochobre de 1849, atopóse a Poe peles casi de Baltimore n’estáu de deliriu y demasiáu angustiáu, polo que fue treslladáu al Washington College Hospital, nel que morrió’l 7 d’ochobre.