Hacia los años 30 del sieglu pasáu les muyeres nun podíen entrar al observatoriu de Monte Wilson, en California. Por eso, l’astrónoma Vera Rubin tenía de buscar una forma inxeniosa p’acceder a les mesmes instalaciones nel qu’Edwil Hubble detectó la expansión del universu. Rubin, enfocada a estudiar el movimientu de les galaxies, solicitaba hores d’usu del telescopiu a nome del so maríu Robert. Y como l’edificiu nun tenía escusaos pa muyeres –razón alegada pa nega-yos el pasu- ella cenciellamente recortaba un papel cola silueta femenina y colocábalu na entrada.

El panorama nun cambió enforma: a pesar de los induldables avances sociales de les muyeres nes décades recientes y a que representen aproximadamente la metá de la población, la so participación inda ye escasa en bien d’actividaes, inluyida la ciencia. Esto pue apreciase en diversos indicadores, como los premios Nobel.

Hasta l’añu 2012 un total de 862 persones y organizaciones recibieron el premiu; d’ellos, 44 otrogáronse a muyeres. Nos campos de la ciencia el númberu ye inda menor: namás 10 galardonaes en Medicina, cuatro en Química y 2 en Física. Marie Curie ye la notable excepción: recibiólu dos veces.

Si se considera tamién el Premiu en Ciencies Económiques –instituyíu pol Bancu Nacional de Suecia en 1969, que técnicamente nun se considera un Nobel- la cuenta nun cambia muncho: namás una muyer recibió esta distinción, la estadounidense Elinor Ostrom, en 2009.