Mieres.-Esti vienres, 4 d’ochobre, a les 19:00 h. va tener llugar na llibrería La Pilarica de Mieres del Camín la presentación de la novella ganadora del Premiu Jordi Sierra i Fabra pa Xóvenes: “Fundido en blanco”, publicada pola editorial SM. Nel acti va tar acompañada pol tamién escritor y poeta José Ángel Gayol, inyterventor del ayuntamientu de Cuideiru.
Con yuna novela escrita cuando tenía 15 años, Andrea Abello irrumpe nel panorama lliterariu nacional algamando’l premiu más importante de la lliteratura pa mozos d’España. La so obra fuera seleccionada por un xuráu formáu por expertos en lliteratura infantil y xuvenil, ente los 111 orixinales recibíos a concursu, por ser “una obra de ciencia ficción con un lleve acentu distópicu per parte d’una idea mui orixinal. La trama ye excelente, con bon ritmu, bien escriuta y enllena d’intriga, con una hestoria d’amor de tresfondu que nun cai en cursileríes nin sensibleríes vacies y acción intensa”.
Andrea Abello recibió’l premiu de manes de la princesa Letizia nun emotivu actu d’entrega cellebráu’l pasáu 9 d’abril, na Real Casa de Correos de Madrid. La obra, que yá d’afaya distribuyida nes llibreríes, ye una novela de ciencia ficción que fala de suaños qu’acaben siendo velees. Sabrina, la so protagonista, decide abandonar la so casa pa siempre y dexar atrás la turbia rellación cola so madre y un pasáu enllenu de mentires. Nun va volver. Enxamás. Ensin embargo, enantes de qu’entame’l camín, ye secuestrada por una extraña organización que pretende explorar los sos suaños pa crear al compañeru del que siempre quixo namorase. Lo malo ye que la llinia que separta’l suañu de la velea ye enforma delagada.
