Xixón-.-El xueves 3 y vienres 4 d’ochobre va tener llugar una cita máxica pa la descomanada abadía de xente siguidora del cantante Rapahel, nesti casu nbel Teatru Xovellano de Xixón, destín al que lu lleva nesta selmana depués de percorrer los escenarios d’América y que lu va siguir llevando en feches próximes pelos escenarios de les principales ciudaes españoles.

Esti cantante, que recibiera en 1982 el Discu d’Uraniu por tener vendíos 50 millones de discois del so recopilatoriu Raphael, ayer, hoy y siempre, naciera en Jaen en 1943, y dende qu’en 1962 ganara tres primeros premios del Festival Internacional de la Canción de Benidorm coles canciones “Llevan”, “Inmensidad” y “Tu conciencia”, convirtióse na figura más importante de la música llixera española del últimu mediu sieglu.

Dende 1985 la so salú vióse afectada pola hepatitis c, que s’agravó con un consumu eleváu d’alcohol reconocíu pol intérprete. Nel empiezu d’esti nuevu mileniu, la salú de lacntante fue deteriorándose aína hasta que n’abril de 2003 resolvió’l problema con un tresplante. La convalecencia fue sorprendente polo pronto de la recuperación, lo que llevó a anunciar a Raphael qu’empezaba una segunda vida. El so regresu a los escenarios, de los que yá nun se baxó dende entós, entamó cola nueva xira De vuelta, que tien la so continuación na qu’agora mesmo lu va traer a los escenarios de Xixón p’allegría de los sos incondicionales