Baxo’l sol amburante del desiertu de Black Rock en Nevada, Estaos Xiníos, úpase una ciudá temporal, utópica y comunitaria nomada Black Rock City. Ye l’escenariu del festival Burning Man. A lo llargo d’una selmana 70 mil persones danse cita nesti páramu pa vivir una experiencia única: construyir una ciudá y depués facela desparecer ensin dexar la mínima güelga. Ellí combínense la vida en comunidá y les más estremaes expresiones artístiques.

A lo llargo del día puen realizase les más variaes actividaes y como ye un eventu pa que cada quién puea expresase ta permitida cásique cualaquier cosa que combine con muestres d’arte, instalaciones y un desfile d’autos llocos. Hai díes llocos nos que toos tienen de vistir con un tutú o completamente en blanco. Durante la nueche la festividá extiéndese en diferentes carpes hasta’l riscu del alba.

El festival ríxese por 10 mandamientos que regulen esti tipu d’experiencia: inclusión radical, regalar, nun dexar rastros, responsabilidá cívica, participación, inmediatez, autosuficiencia, esfuerzu comunitariu, expresión corporal y responsabilidá col mediu ambiente.

Black Rock City ta organizáu en campamentos temáticos. Hai conices de gas, baños públicos y duérmese en carpes o cases rodantes. Accédese n’autu dende San Francisco hasta Reno, la ciudá más averada. Ye mester llevar tolos elementos pa vivir a lo llargo d’una selmana: provisiones, sacu dormir, ropa y hasta l’agua propio. Recomienden llevar cuatro llitros por día por persona. La manera de movese per esti inmensu espaciu ye con bicicletes, que son esenciales porque les distancies son mui llargues. ün pue llevar la bicleta propia o pue alquilala.

Una vez fináu l’eventu los participantes lleven tolo que truxeran con ellos y quemen toles estructures montaes, d’esta manera nun dexen nenguna güelga nel desiertu, como dicta ún de los mandamientos.