Andecha Astur dio  la norabona a Darréu pol ésitu del so IV Conceyu Nacional y pide-y que considere la so propuesta d’aniciar una Mesa Nacional.

Aconceyada la X.E d’Andecha Astura alcordó dar oficialmente la norabona a Darréu, comu organización de la mocedá asturiano, polos resultaos del so IV Conceyu Nacional nel qu’afondó n'aspeutos organizativos, estratéxicos y taúticos.

Dende Andecha Astur considérase que Darréu ye la organización referencial de la mocedá asturiana y parte imprescindible na dinamización y concenxación de lacuestión social y nacional dientru la mocedá y na defensa de los drechos colleutivos y la dignidá d'ésta.

Ello asina, y nel mesmu sen, Andecha Astur pide-y a Darréu que considere la so propuesta d’aniciar una Mesa Nacional que cordine al conxuntu d’organizaciones que mos movemos dientru l’ámbetu del nacionalismu d’izquierda col oxetu d’aumentar la capacidá d’incidencia social y meyorar la capacidá d’organización y rempuesta del nacionalismu asturianu