Pirates informáticos prepárense pal llanzamientu del iPhone 5S estos díes con una competencia pa violar el primer escáner de güelga dactilar del artefactu, una característica d’alta tecnoloxía que Apple Inc. diz va dar más seguridá a los datos de los usuarios.

Una pequeña firma xunióse a un grupu d’investigadores de seguridá pa ufiertar más de 13 mil dólares n’efectivu al primer pirata informáticu que viole la seguridá del paratu, nuna competencia promocionada nel sitiu http://istouchidhackedyet.com/. Arturas Rosenbacher, sociu fundador d’IO Capital de Chicago, que donara 10 mil dólares a la competición, diz que l’esfuerzu va atropar les mentes más brillantes de la comunidá informática p’aidar a Apple a identificar erros que podríen haber pasao per altu.

L’escáner de güelga dactilar nel iPhone permíte-y a los usuarios desbloquear los sos artefactos o facer compres en iTunes simplemente col so déu nel botón d’aniciu. Eloxóse, en xeneral, como un gran pasu pa popularizar l’usu de biométrica n’artículos ellectrónicos d’usu personal.

Per otra parte, Forbes.com informó qu’un soldáu español de 36 años destináu nes Islles Canaries yá detectó una vulnerabilidá de seguridá del iOS 7, qu’Apple apienzó distribuyir a los clientes d’iPhone y iPad esta selmana pasada. La publicación dixo que yera posible trespasar la pantalla de bloquéu en segundos p’acceder a fotos, corréu elléctrónicu, Twiter y otres aplicaciones. Incluyíaser un videu de demostración nel sitiu web y conseyos pa contrarrestar l’erru.