Esti sector, n’alza, ofierta varies víes de negociu, cuenta l’espertu mexicanu Carlos Mondragón, director del grupu Digono, especializáu nel desarrollu de conteníos dixitales en Llatinoamérica. Enforma se tien especulao soble les implicaciones de l’arrivada del formatu dixital a la cadena productiva del llibru.

Pero, tamién, lo que parez innegable ye la oportunidá llaboral y de negociu que significa. Na presentación del llibru El ecosistema del libro digital, l’especialista dexó claro qu’esti formatu contién una gran cantidá de posibilidaes y nonde la ufierta más creativa ya innovadora va llevar les de ganar. La clave: apartase de la vieya idea de facer r´pliques de llibros impresos, y entender el nuevu conceptu de “transmedia” (narraciones al traviés de soportes tecnolóxicos).

D’una cadena productiva cenciella y cásique llineal qu’entamaba col autor, pasaba pol editor y les llibreríes –entre otros-, pa finar nel llector, l’entornu del llibru dixital presenta una panorama de munches víes, ampliando les oportunidaes y la competencia. Nesti nuevu mapa, como anota l’expertu, los neños van ser un motor importante de crecimientu de los formatos dixitales.

Mondragón aporta datos reveladores de informe Global Entertainment and Media Outlook (Gemo) 2012-2016. Pal 2017 va haber 410 millones d’usuarios de tabletes, lo que reflexa un crecimientu del 182 per cientu, con respectu al 2012. L’informe afirma que pal 2016 el mercáu del entretenimientu va medrar 5,1 per cientu; y el gastu en conteníu dixital, nos prósimos cinco años, va medrar 12,1 per cientu, demientres qu’el de conteníu non dixital va ser de namás 2,8 per cientu.