De la que Sigmind Freud dixo que tolos suaños son realizaciones antroxaes de deseos reprimíos, munchos empezaron a buscar el significáu de les sos experiencies oníriques. ¿Qué yera lo que les sos mentes se negaben a reconocer de la qu’esconsonaben? Los estudios realizaos hasta agora contradícense: unos señalen que los sueños nun son más que’l resultaú de lo que se viviera durante’l día; otros, que son deformaciones de los deseos y fantasíes nun cumplíes y munchos más que nun son namás qu’una actividá personal ya instransferible a la que nun-y hai que poner misteriu.

Pero suañar que se tienen rellaciones sexuales con un familiar, un vecín o una compañera de trabayu, o incluso dalguién del mesmu sexu pue resultar pertrurbador pa munchos. Asina, son enforma los pacientes qu’aporten a consultorios sexolóxicos buscando respuestes a los sos suaños transgresores.

Una investigación realizada pola Universidá de Montreal (Canadá), señaló que namás el 8% de los suaños son fantasíes oníriques rellacionaes con situaciones sexuales y lluxurioses. Les muyeres, por exemplu, suañen más cola so pareya actual o compañeros sexuales anteriores, demientres que los varones son más propensos a tener fantasíes con persones imaxinaries o famoses. En xunto, les muyeres tienen tantos suaños sexuales como los homes, pero agora mesmo les muyeres falen enforma más del tema que lo que lo ficieran les muyeres de les xeneraciones anteriores.

Los suaños clásicos femeninos son tres:

1 Sexu con un familiar: según los psicólogos, ye que se da una gran almiración por una cualidá en particular de la persona suañada. Nun tiene nada que ver con atracción sexual.

2 Sexu con un estrañu: l’estrañu nun representa a naide en particular, sinon que de xuru hai necesidá de bon sexu.

3 Sexu con una muyer: nun tien nada que ver cola homosexualidá, sinon que ye más bien rivalidá o deséu de dominiu; o namás almiración por dalguna característica femenina.