Topar un apartamentu de lluxu con toles comodidaes y notru país ye cada vuelta más costoso, según los últimos datos suministraos pola firma global ECA International, consultora que s’encarga d’analizar les cifres de les empreses qu’unvien empleaos a trabayar nel extranxeru.

Esti ye’l ránking d’arrendamientos establecíu por esta empresa consultora:

1 Hong Kong, Xina.

El corazón financieru d’0Asia relluma pelos sos neones y los sos costosos precios na vivienda, nel que l’alquiler d’un apartamentu de tres cuartos ta ente los 4 mil y los 12 mil dólares. Según el censu del Gobiernu, cerca del 48% de los residentes nun tien vivienda propia.

2 Caracas, Venezuela.

Esta capital tien sufrío dende l’añu pasáu un incrementu nel preciu de la vivienda nun 33% y rpevése qu’esti añu siga l’aumentu. Na zona exclusiva del area metropolitana de Caracas puen atopase arrendamientos d’un apartamentu de tres cuatros alredor de los 9 mil dólares.

3 Nueva York, Estaos Xuníos.

Consideráu como ún de los principales centros financieos del mundu, ye la ciudá más grande de los Estaos Xuníos y agospia alredor de 8 millones d’habitantes. Los alquileres anden tamién alredor de los 9 mil euros.

4 Moscú, Rusia.

Ye la ciudá más importante de Rusia por ser el centru políticu, económicu, científicu y cultural.  Ye tamién la segunda ciudá más poblada del mundu siguida por Estambul, en Turquía, y ye considerada como una de les más costoses pa vivir n’Europa. Los alquileres de viviendes de lluxu rolden los 8.800 dólares.

5 Tokio, Xapón.

Ye la principal ciudá y centru políticu, económicu, cultural, educativu y de comunicaciones del país, y equí s’alcuentren la más grande cantidá de compañíes, multinacionales, instituciones universaitaries, museos, colexos y entidaes financieres de Xapón. Los alquiles nesta ciudá anden polos 8.700 dólares.

6 London, Gran Bretaña.

La capital d’Inglaterra y del Reinu Xuníu ye la ciudá col area urbana más grande de la Xunión Europea, amás de ser considerada como una ciudá global yá que ye’l centru neurálxicu de les artes, l’entretenimientu, el deporte, el turismu, el comerciu, la educación, les finances, los medios de comunicación y el tresporte. Equí’l costu de los arrendamientos lluxosos rolda los 7.900 dólares.

7 Luanda, Angola.

Esta ciudá destaca pol so altu costu na vivienda. Arrendar un casa de 2 cuartos cuesta alredor de los 7 mil dólares. Asinamesmo, comer en Luanda tamién ye un lluxu, un cachu pequeñu de pizza pue valer alredor de 18 dólares.

8 Zúrich, Suiza.

Ye la ciudá más grande del estáu suizu y tá allugada nel xentru económicu del país. A nivel mundial ye galardonada como la ciudá más segura del mundu porque les persones confíen nos bancos y nes inversiones, goza d’una reputación de paz y tranquilidá en tol mundu. Asina les coses, los alquileres empiecen nos 3 mil dólares y, como nel casu de la ciudá anterior, el costu d’un trozu pizza ye caru yá que rolda los 11 dólares.