Un equipu de la Universidá Autónoma de Barcelona y del Serviciu d’Urxencies del Hospital de Sabadell, llideraos pola investigadora María Luisa Iglesias, vienen de descubrir que’l popular combináu –ente la xente mozo- de vodka con una bebida enerxética nun ye una tragu nada sanu.

Los hosteleros lleven notando d’un tiempu p’acá’l descomanáu aumentu de xóvenes que piden esti tipu de bebíes, que de diverses formes fueron poniéndose de moda a lo llargo d’estos dos últimos años. Nel mesmu sentíu, los profesionales de los servicios d’emerxencia tamién fueron comprobando’l considerable aumentu de la presencia nos sos servicios de mozos con intoxicaciones orixinaes por esti tipu de combinaos, incluso de xente que consumiera una dosis moderada.

En cifres, los responsables de dambos equipos establecieron que dos bebides enerxétiques de les típiques del mercáu contienen 160 miligramos de cafeína y dos gramos de taurina, ente otros activos, lo qu’equival a 12 taces de café. Esa cantidá pue ser enforma peligrosa pa persones con enfermedaes cardíaques, hipertensión, trestornos cerebrales neurolóxicos, embarazaes, menores de 16 años y diabéticos.

Dientro d’estos casos ta nel Hospital con voltures y tremores nos güeyos y manes, tres d’entemecer dos lates de bebides enerxétiques con vodka. El mozu yera sanu y tuvo de tar internáu 8 hores. Entienden los mozos que la combinación ye bona pa poder siguir de marcha bien de tiempu na nueche, pero los especialistes alvierten qu’estes combinación ye enforma esplosiva.