El conocíu escritor estadounidense Dan Brown, autor del bestseller El código Da Vinci, ven de dexar un mui mal llugar a Filipines y, de manera particular, a la so capital Manila. Un llugar nel qu’ún de los personaxes de la so nueva obra Inferno describe como les puertes del infiernu.

Esti fechu ta acabante de xeneral dures crítiques del presidente de l’Autoridá de Desarrollu Metropolitanu de Manila (MMDA), Francisc Tolentino. Hasta’l puntu d’unviar una carta al escritor invitándolu a rectificar el conteníu de los pasaxes de la obra que faen referencia a Filipines.

Na obra, la doctora Sienna Brooks, dedicada al trabayu humanitariu, aporta a Filipines pa enrolase nuna misión que consiste en promocionar alimentos a los pescadores y agricultores asentaos nes zones más probes del interior. Nun país nel que la doctora esperaba alcontrar un país de maravilloses belleces xeolóxiques con fondos marinos brillantes y rellumantes valles y lo qu’alcuentra al aportar a la capital, Manila, ye probitú nuna escala qu’enxamás enantes viera.

Estes imáxenes de probitú y delincuencia vistes afecta fonderamente a la doctora Brooks, Tamién el conocer que, por cada persona qu’ella alimentaba, había cientos más mirándola con desesperación nes sos miraes.

Dan Brown, al traviés de los sos personaxes describe Manila como un llugar d’atascos caóticos d’hasta seis hores de duración, polución sofocante y un horroríficu mercáu sexual. Respectu a esti mercáu, el llibru descríbelu como una actividá a les que les neñes más moces son llevaes polos sos propios padres, qu’al menos tienen la tranquilidá que van ser alimentaes nel momentu nel que deciden vendeles a proxenetes.