Un grupu d’atrevíos empresarios restauradores y agrícoles de la rexón de Cajamarca, nel norte de Perú, presentaro va cinco años una suerte de “fabada fusión”, na que los productos yeren peruanos y la receta dafechamente surdida de les coraes d’Asturies. L’éxitu d’esta iniciativa fue comprobase pola implantación anguañu nos restoranes de la rodalada.

Les fabes cultivaes con semilles trayíes d’Asturies llantáronse en Cutervo, una zona de Cajamarca con condiciones climátiques bien asemeyaes a les de la nuestra tierra nes que les lleguminoses medren con más facilidá y son les reina de la nuestra cocina. El guisu tradicional ellaboróse a base de fabes con tocín, chorizu y morciella y preparáu y degustáu nel restorán limeñu La Eñe, acompañáu de vinos, entraes y postres típicamente españoles d’otres rexones col obxetivu de promocionar el potencial qu’ufre esta lleguminosa bien desconocida en Perú.

El presidente de la empresa responsable d’esti proyectu, Héctor Monsalve, director de Aproimper, empresa responsable d’esti proyectu, dixo a los medios de comunicación que “la forma y la calidá de la faba peruana ye igual a l’asturiana, puesto que tien el mesmu tamañu, color, nun se desfai, ye farinosa y el so tastu ye escelente al paladar”.

Les fabes resulten una llegume abegosa de cultivar, pero críense mui bien en Cutervo porque ye una zona con bastante humedá asitiada a 3800 metros riba’l nivel del mar. Anguañu yá tan semaes nesta provincia más de cinco hectarees y producen unos 15 mil kilos de productu.

Anquer los empresarios preuanos nun descarten nun futuru vender este fabes n’Europa, la so apuesta más realista ye vendeles a los restoranes de los países americanos especializaos en comida española ya interesaos n’ufiertar platos de les distintes comunidaes. Y, de manera bien especial, de la comunidá asturiana, una de les más representaes nos diferentes países llatinoamericanos.