Los candidatos de la 56 edición de los premios Grammy, los más relevantes de la industria musical, van dase a conocer a lo llargo d’un conciertu que se va cellebrar el viniente 6 d’avientu nel teatru Nokia de Los Ángeles (EEUU), según informa nun comunicáu l’Academia de la Grabación.

El programa d’un hora de duración va emitise pel canal CBS a les 22:00 hora local y neñ´que van desvelase delles de les principales categoríes d’estos galardones, con actuaciones musicales entemediaes ente tanto. Va ser la sexta vez consecutiva que les candidatures a los Grammy s’emiten en directo pela televisión.

L’anterior edición de los Grammy congregó l’añu pasáu alredor de 30 millones d’espectadores frente a los televisores, la segunda meyor cifra dende 1993. L’eventu xeneró 25 millones de comentarios nes redes sociales, cásique’l doble que na gala anterior. La presente gala de los Grammy va tener llugar el prósimu 26 de xineru nel Staples Center de Los Ángeles y tamién va ser emitida pela CBS dende les 20.00 hora local.

“Babel”, de los británicos Mumfors & Sons, llogró la estatuilla al meyor álbum del añu na pasada edición, una ceremonia dominada pola banda de rock The Black Keys con cuatro gramófonos doraos. Gotye, Skrillex, Jay-Z y Kanye West llevaron tres premios cada quién, demientres que Frank Ocean, Chick Corea, Esperanza Spalding, Matt Redman y FUN triunfaron per partida doble.