Mieres.-A partir de les 17:00 h. arranca mañana la XXVII edición del Memorial Silvino Argüelles con un Día dedicáu a Aquilino Fernández, Aquilino’l de Polio. Pa continuar colos diez galardonaos col premiu a La Meyor Voz del Añu 2013 y el premiu al Meyor Gaiteru Acompañante de Tonada 2013.
El Xuráu de la presente edición tuvo integráu por catorce persones relacionaes colos medios de comunicación, la canción y la música asturiana y fueron los siguientes: Diamantina Rodríguez Argüelles, cantadora de tonada; Javier d’Arroes, expertu en tonada; Sonia Fidalgo, presentadora de SONES; Alain Fernández, director del Teatru Prendes de Candás; Félix Martín, musicólogu y xuráu del Concursu y Muestra de Folclor Ciudá d’Uviéu; Ana Vanessa Gutiérrez, escritora, articulista de’El Comercio y presentadora de Pieces en TPA; Saúl Fernández, periodista de La Nueva España d’Avilés; Miguel Fernández, periodista y responsable de Every Good Song;Ramón Lluis Bande, director de cine y responsable de los programes Pieces y Camín de Cantares de la TPA; Alfredo Isidro Velázquez Bobes, expertu en canción asturiana; Laude Martínez, periodista dixital de asturiasmundial.com; Juan Manuel Martín, presidente de l’Asociación Cantu la H.orma de Peñamellera, responsable del Archivu Carlos Jeannot de Canción Asturiana; Javier Parajón, alcalde de Sariegu; y Alberto Cienfuegos, responsable del blog de canción asturiana Manzanes del Paraísu y presentador de SONES.
La suma de les votaciones d’esti Xuráu dio como resultáu que les 10 Meyores Voces del Añu 2013 yeren, por orden alfabéticu, les d’Héctor Braga, Liliana Castañón, Lorena Corripio, Andrés Cueli, Álvaro Fernández Conde, Juan Robledo, Celestino Rozada,Anabel Santiago, Jorge Tuya y Marisa Valle Roso. Igualmente decidieron que’l Meyor Gaiteru Acompañante de Tonada del Añu fuePablo Carrera.
Estos campeones del Memorial intervendrán a partir de les 19:00 hores. Nel Día d’Aquilino’l de Polio van intervenir n’homenaxe a esti cantador de tonada y organizador de los primeros años del Memorial, los siguientes intérpretes: Josefina Argüelles, Liliana Castañón, Noemí Torrado, Carmen Cuello y Alba Toledano, Manuel Barbón, Faustino Braña, Marcelino Bustamante, Jeremías Cuello, Avelino Fernández Corte, Che de Cabaños, José García,Tino Arnizu, Cantu la Vara, Tino Mayaín, Juanjo Martínez, Vital Noval, Ángel Pastor, Francisco Queipo, Juan Robledo y Ángel Javier Toral. No que podría considerase’l más grande alcuentru de grandes voces de la canción asturiana nun conciertu no que va d’añu.
