Los trabayos yá han empezando y prevese que tean concluyíos na primera quincena d'ochobre

La empresa Alvargonzález Contrates ye la encargada d'anovar el pavimentu de 2.680  metros na carretera AS-24

 

Tapia.-La Conseyería de Fomentu, Ordenación del Territoriu y Mediu Ambiente ta executando obres d'arreglu na carretera La Roda- Llagar, dientro'l conceyu de Tapia de Casariego, por importe de 161.642,69 euros.

Los trabayos yá empezaron colos llabores de llimpieza de la zona na que se va a actuar y prevese que van tar finaos a mediaos del próximu mes d'ochobre.

L'actuación va consistir na renovación total de 2.680 metros de carretera ente los kilómetros 8 y 11 de la vía. va anovase'l pavimentu y van reponese les marques viales.

 El contratu p'actuar na carretera AS-24  salió a llicitación con un presupuestu de 199.994,11 € y foi axudicáu a la empresa Alvargonzález Contrates por importe de 161.643,69 euros.