Nun país onde se desalienda a bien de neñes a qu’estudien, Suhma Verma tien asombrada a la comunidá educativa cola so precocidá. Verma completó la escuela secundaria a los 7 años y obtuvo’l títulu d’enseñanza superior a los 13 años, lo que, según se dixo, namás fuera posible por mor de los sacrificios y l’estímulu de los padres carentes d’educación y de recursos suficientes.
Sushma lleva una vida bien modesta colos sos tres hermanos menores y los padres: come, duerme y estudia xunto a ellos nun atacáu apartamentu d’un solu cuartu en Lucknow, la cabeza del estáu d’Uttar Pradesh. L’únicu ingresu familiar ye la paga del padre d’unes 200 rupies diaries (nun llega a 3€) trabayando na construcción. Les sos posesiones más valioses son un escritoriu y un ordenador de segunda mano. Ensin embargu dixo nuna entrevista na televisión que nun tener aparatu de televisión en casa nin munches otres comodidaes tamién tenía les sos ventayes.
Sushma va entamar los estudios la selmana entrante na Universidá Central B.R. Ambedkar de Lucknow y el padre yá la ta llevando y trayendo cola bicicleta pa entrevistase colos profesores enantes del empiezu de les clases. La so preferencia yera estudiar medecina, pero la llexislación nun permite entamar estos estudios hasta los 18 años. Esti fue’l motivu pol qu’optó pola microbioloxía.
Con too, Sushma nun ye’l primer prodixu de la familia. L’hermanu mayor graduóse de la secundaria a los 9 años y en 2009 fue ún de los graduaos más mozos en ciencies informátiques na India, con 14 años. P’ayudalos a estudiar, el padre vendiera la so única tierra, de 930 metros cuadraos, nun pueblu del interior del estáu. La veta cerróse en 25.000 rupies (unos 300€). El restu de los gastos universitarios provienen d’un fondu de beneficencia dedicáu al ameyoramientu de los sistemes de desatascu de les cloaques, que-y dio al padre una subvención.
La Fundación Sulabh International decidió ayudar a Sushma depués de ver un programa local de televisión nel que se-y facía una entrevista y na que contestaba a les preguntes con una madurez impresionante. Tamién recibe ayuda financiera de dellos civiles del llugar y otres partíes de beneficiencia.
