P'Andecha Astur el determín del plenu municipal de Sieru d’escluyir del catálogu urbanisticu de proteición la chiminea d’El Bayu, en La Pola, pue costituyir un delitu de prevaricación.

La Puela.-Una vuelta más, denuncia Andecha Astur, l’ayuntamientu Sieru pon n’evidencia la so cadencia dafechu de sensibilidá a la hora de caltener el padrimoniu industrial asturianu plegándose a HC Energía y descatalogando del Catálogu Urbanísticu de Proteición de la chiminea de l’antigua fábrica d’El Bayu, encontiándose precisamente nel estáu ruinosu del imueble, cuandu la llei de padrimoniu precisa que’l caltenimientu del imueble que gocia d’esa especial proteición ye responsabilidá del propietariu, colo que precisamente ye HC Energía quien a la fin saca gayatu d'esti inatalantable determín del plenu municipal de Sieru.

Pa enriba, esti determín abre les puertes pa que los iinmuebles qu'agora mesmo gocien de tala proteición seyan abandonaos polos sos propietarios, a los que nun se-yos desixirá la conservación comu llegalmente ta contemplao, sinonque namás tendrán qu'esperar a que llegue a un estáu ruinosu pa desfacese d'elli ensin dengún costu.