El prósimu sábadu 24 d'agostu, Andecha Astur rializará un actu d'homenaxe nel 76 aniversariu de la declaración de Soberanía del Conseyu Soberanu.

La declaración de soberanía del Conseyu d'Asturies y Lleón pol que se declaró independente de la República Española y col qu0entamó un auténticu procesu revolucionariu y de reconocencia a nivel internacional,que namás les armes del exércitu franquista y los sos alliaos alemanes pudieron torgar.

Güei, 76 años dempués, l'Estáu español continúa col procesu d'asimilacionismu y negación de la identidá nacional asturiana y de los nuesos drechos colleutivos, siendo la principal torga pa la sobrovivencia del Pueblu Asturianu.

Ello asina, Andecha Astur fai un llamamientu al conxuntu de la sociedá asturiana non solo a participar na reivindicación d'esa fecha y esi fechu hestóricu, sinon a trabayar dìi ente díi pa recuperar la nuesa soberanía y poder decidir llibre y democráticamente'lnuesu futuru, ensin más llimitaciones que les que voluntariamente querramos ponemos, llibres de xugos ya imposiciones españolistes.

L'actu cellebraráse'l prósimu sábadu 24 d'agostu nel Puertu Tarna, nel monolitu comemorativu de la Declaración de Soberanía.