Uviéu.-Los centros y servicios alministrativos de la institución van reabrir el llunes 19 d'agostu. El Rexistru de la Universidá va permanecer abiertu mientres esti periodu y los trámites de matrícula y consulta de llistes d'almisión van poder faese al traviés de la web.

La Universidá d'Uviéu va cerrar toles sos dependencia dende'l llunes, 5 d'agostu, hasta'l domingu, 18 d'agostu, dambos inclusive.  Los centros y dependencies alministratives de la institución académica asturiana van permanecer cerraes mientres estes dos selmanes, a esceición del Rexistru central de la Universidá, nel edificiu Quirós, que va siguir abiertu nesti periodu.

Les aplicaciones habilitaes na web corporativa pa realizar distintos trámites, como por casu la matriculación nos estudios ufiertaos na Universidá d'Uviéu van siguir operatives pa  que los estudiantes puedan formalizar los sos trámites, consultar les llistes d'almisión o periodu de reclamaciones.

Dientro del paquete de midíes pa llograr una mayor y meyor eficiencia na xestión, la Universidá d'Uviéu aprobó en 2012 una instrucción pa llindar el gastu corriente de la institución estableciendo periodos obligatorios de vacaciones en Selmana Santa, Navidá y el mes d'agostu.